Skip to content

Here van die Storm

October 21, 2010

Here van die Storm – deur Dr. Isak Burger

Êrens tydens die vierde nagwaak – tydens ‘n hewige storm op die see van Galilea – het Jesus na na Sy dissipels aangeloop gekom. Die vierde nagwaak was tussen drie en ses uur die oggend. Dit was die donkerste tyd van die nag – net voor die eerste lig gebreek het. Jesus het sedert die vorige aandskemering gebid.

Matteus 14:25 – Met dagbreek die volgende more het Hy op die see na hulle toe aangeloop gekom.

Toe dit die donkerste was en die storm op sy ergste was, het Jesus na hulle toe geloop. Hierdie was een van die min wonderwerke waartydens Jesus Sy eie persoon geïmpliseer het. Die meeste van Sy wonderwerke het andere geïmpliseer – Hy het ander genees, blinde oë oopgemaak, kreupeles laat loop. Maar hier was dit Hyself wat op die water loop.

Hierdie wonderwerk was een wat in besonder Sy eie Goddelikheid bevestig het. In Job 9:8 word God beskryf as die Een wat stap op die golwe van die see . Hierin is ook ? ander simboliek opgesluit. In die Bybel word die see en storms dikwels as ‘n simbool van die bose en die vyande van die gelowiges gebruik. Miskien is dit in hierdie verband dat Openbaring 21:1 sê : En die see het nie meer bestaan nie.

Hier loop Jesus op die water, wat simbolies van Sy heerskappy en baasskap is – nie net oor die magte van die natuur nie, maar oor al die magte van die vyand wat ons ooit kan bedreig! Ja, soms laat die Here toe dat ons in ? storm beland, want somtyds gebruik Hy juis die storms en stryd, die swaarkry en teenslae van die lewe, om Sy doel in ons lewens te bereik. Hy gebruik juis daardie “golwe” om daarop en daardeur na ons toe aangestap te kom.Selfs nader as op ? kalm see!

Toe hulle seker al aan die einde van hulle kragte gekom het, kom Jesus na hulle toe aangeloop. Eintlik gebruik die grondtaal ? ander woord as “loop”. Matteus gebruik ? woord wat die beste vertaal kan word as “wandel” – soos wat die ou vertaling dit beskryf. Die Grieks het verskillende woorde wat gebruik kon word. Daar is ? woord wat doodgewoon net “loop” beteken. Dan is daar ? woord wat as “marsjeer” vertaal kan word. Tog verkies Matteus die woord “wandel”

? Storm wat woed, golwe wat aangestorm kom, en dan – hier kom Jesus, al wandelende op die see! Wanneer “wandel” ? mens? Iemand wat gejaag is wandel nie; ook nie iemand wat benoud of beangs of bedreig is nie. ? Mens wandel nie op die oorlogsveld nie en ook nie wanneer jy in gevaar is nie. Dan loop, of hardloop of marsjeer jy. Maar Jesus “wandel”!

Waarmee verbind jy “wandel”? Jy dink aan iemand wat ontspanne, onbedreig, rustig en in beheer is. Soos iemand wat op ? Sondagmiddag in die park met sy hondjie loop. En hier “wandel” Jesus op die woedende golwe van die see! Dieselfde golwe wat die dissipels in benoudheid het, wat hulle deur die nag laat swoeg het en hulle die dood al laat sien het, word die plaveisel onder Sy voete! Hy marsjeer nie op hulle nie, Hy wandel, want Hy is God, Hy’s in beheer, niks is vir Hom ? bedreiging nie!

Moenie dink dat God nie beheer het oor die storms in jou lewe nie. Daardie selfde dinge wat jou benoud en radeloos laat, is nie vir Hom ? probleem nie. Hy wandel, Hy is in beheer!

 

No comments yet

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: